Shyǵys Qazaqstan oblysy Zaısan aýdanynyń Shilikti aýylynda belgisiz aýrýdan jappaı mal qyryldy dep taratqan BAQ-tyń habarlamasyna baılanysty Aýyl sharýashylyǵy mınıstrligi, búgingi tańda Shilikti aýyldyq okrýginde asa qaýipti aýrýdan mal ólmegenin habarlaıdy, dep jazady Egemen.kz.
– О́ńirdegi sharýashylyqtardyń birinde maldyń jappaı qyrylýy bıyl mamyr aıynyń basynda bolǵan. Sodan keıin anaerobty enterotoksınniń saldarynan 102 qozynyń ólgeni anyqtalǵan bolatyn. Sonymen qatar jaıylymdardy teksergende de ýly nemese basqa da zııan eshteńe anyqtalmady. Úlken qoılarda aýrýdyń belgileri bolǵan joq.
Osyǵan baılanysty veterınarlar túsindirý jumystaryn júrgizip, sharýashylyq ıesine bul jaǵdaıda ólgen malǵa ótemaqy tólenbeıtini aıtyldy, – delingen habarlamada.
Sondaı-aq 2020 jyly jáne bıyǵy jyldyń birinshi jartyjyldyǵynda jergilikti atqarýshy organdardyń veterınarııalyq qyzmetteri epızootııaǵa qarsy is-sharalar keshenin ýaqtyly júrgizgenin jáne qazirgi ýaqytta Qazaqstandaǵy barlyq aýyl sharýashylyǵy janýarlary asa qaýipti aýrýlarǵa qarsy vaksına egilgenin aıtty.
– Bıyl mamyr aıynda qozylar ólgennen keıin Shilikti aýyldyq okrýginiń maly veterınar mamandardyń qatań baqylaýynda bolady. Sondyqtan Shilikti aýylynda maldyń jappaı qyrylyp jatqany týraly aqparat tekserilmegen jáne jalǵan, – dedi AShM.