Atyraý oblysynyń bas sanıtar dárigeriniń koronavırýs ınfeksııasynyń taralýyna qarsy karantındik shekteý sharalaryn kúsheıtý týraly qaýlysy jarııalandy, dep habarlaıdy Egemen.kz.
«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyqty jáne ózge de qyzmetterdi, halyqtyń tynys-tirshiligin erekshe jaǵdaılarmen shekteý sharalary engizilsin», dep jazylǵan qujatta.
Qaýlyda shekteý is-sharalarynyń rejımi men merzimderi oblys aýmaǵynda epıdemıologııalyq ahýaldyń ózgerýine sáıkes qaıta qaralýy múmkin ekeni aıtylǵan.
Sonymen qatar, Teńiz ken ornynda karantındik jáne shekteý sharalary epıdemıologııalyq jaǵdaı turaqtalǵanǵa deıin uzartylatyn boldy.
«Karantın kezeńinde vahtalyq ádispen jumys isteıtin kásiporyndardaǵy jumysshylar COVID-19-ǵa qarsy ekpeniń tolyq kýrsyn alǵany týraly qujaty bolǵanda jumysqa kiriser aldynda jáne vahtalyq jumysy aıaqtalǵannan keıin COVID-19-ǵa PTR ádisimen tekserilmeıdi jáne oqshaýlanýdy qajet etpeıdi. Ekpe almaǵan, COVID-19-ǵa PTR testileýdiń teris mándi nátıjesi bar jumysshylar 7 kún oqshaýlanady», delingen qujatta.
Al COVID-19 juqtyrǵan naýqaspen qarym-qatynasta bolǵan (jaqyn qarym-qatynasta) adamdar eger de koronavırýstyq juqpaǵa qarsy ekpeniń tolyq kýrsyn alǵanyna 14 kún bolsa, rastaıtyn qujatty kórsetý arqyly PTR ádisimen tekserilmeıdi jáne oqshaýlanbaıdy. Tek aýrýdyń klınıkalyq belgileri bolmaýy qajet. Ekpe almaǵan, jaqyn qarym-qatynasta bolǵan, COVID-19-ǵa PTR testileýdiń teris mándi nátıjesi bar adamdar 14 kún oqshaýlanady.
Sondaı-aq, Qaýlyda Atyraý oblysynyń turǵyndary qurǵaq jótel, dene qyzýy, tynys alýdyń qıyndaýy, entigý sııaqty respıratorlyq vırýs belgilerin sezinse, medısınalyq uıymdarǵa barmaı, jedel medısınalyq kómektiń 103 nómirine qońyraý shalý arqyly úıden dereý medısınalyq kómekke júginý kerektigi aıtylǵan.
5 jasqa deıingi balalardan basqa turǵyndardyń barlyǵy qoǵamdyq orynda maska rejımin saqtaýǵa mindetti. Al 65 jastan asqan adamdarǵa asa qajettilik bolmasa, turǵylyqty jerinen shyqpaý usynylady.
Sonymen qatar:
- merekelik, oıyn-saýyq, kópshilik mádenı, kórmelerdi, korporatıvti, forýmdardy, konferensııalardy, banket, úılený toıy, mereıtoı, eske alý sııaqty otbasylyq sharalar ótkizýge,
- «Ashyq» jobasyna qatyspaıtyn oıyn-saýyq obektileriniń, banket zaldarynyń, jabyq úı-jaıdaǵy, sonyń ishinde qoǵamdyq tamaqtaný obektilerindegi balalar oıyn-saýyq ortalyqtary men attraksıondardyń, oıyn alańdarynyń (aýladaǵylardy qospaǵanda), túngi klýbtardyń, karaoke, kompıýterlik jáne oıyn klýbtarynyń, kalıan, bılıard, boýlıngterdiń, býkmekerlik keńselerdiń, merekelerdi uıymdastyrý boıynsha qyzmet kórsetýdiń jumysyna;
- «Ashyq» jobasyna qatyspaıtyn mádenı obektilerdiń, jeke, toptyq daıyndyqtardy qosa alǵanda kınoteatrlardyń, teatrlardyń, konsert zaldarynyń, fılarmonııalardyń qyzmetine;
- «Ashyq» jobasyna qatyspaıtyn nysanda kórermenderi bar sporttyq is-sharalardyń ótkizilýine tyıym salyndy.
Memlekettik organdar men kvazımemlekettik sektor uıymdarynda COVID-19-ǵa qarsy vaksınasııalaýdyń tolyq kýrsyn alǵan jáne sońǵy 6 aı ishinde COVID-19-ben aýyryp jazylǵan barlyq qyzmetkerlerdiń kúndizgi rejımde jumys isteýine jol beriledi.
Degenmen, jınalystar, keńester, semınarlar, konferensııalar tek selektorlyq rejımde jáne beınebaılanys arqyly ótkizilýi kerek.
Bankterdiń, «Qazposhta» AQ bólimsheleriniń, halyqqa qyzmet kórsetý ortalyqtarynyń jumys ýaqyty 9.00-den 18.00-ge deıin uıymdastyrylady. Atalǵan mekemelerge aldyn ala Egov.kz, «EgovKZBot 2.0» telegramm-botpen brondaý arqyly barý usynylady.
Mektepke deıingi balalar uıymdarynyń kezekshi toptarynyń (sany 15 baladan aspaıtyn) jatyn bólmelerindegi kereýetter arasyndaǵy qashyqtyq keminde 1 metr bolýyn saqtaý;
- balalar saýyqtyrý uıymdarynyń jumysy 30%-dan artyq emes toltyrýmen;
- medısınalyq ortalyqtar, kabınetter, stomatologııalar aldyn ala jazylý boıynsha;
- qonaq úıler, otelder, demalys úıleri 80% júktelimge deıin
- meshitter, shirkeýler, soborlar, sınagogalar toltyrylýy 30% - dan aspaıtyn júktelimmen jumys isteýge ruqsat etiledi.
Meshitter, shirkeýler jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namazy», kúndelikti pravoslavıelik duǵalar jáne basqalaryn) ashyq aýada ótkizý betperde kııý rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady.
Jabyq bazarlardyń jumys kúnderi jumys kestesi saǵat 09.00-den 19.00-ge deıin ruqsat etiledi. Al senbi jáne jeksenbide jumys isteýine tyıym salynady.
Ashyq bazarlardyń jumys kestesi saǵat 09.00-den 19.00-ge deıin dep bekitildi.
Saýda úıleri men ortalyqtaryna saýda jelilerine saǵat 10.00-den 19.00-ge deıin, 1 kelýshige 4 sharshy metr oryn qamtamasyz ete otyryp, tek qana jumys kúnderi jumys isteýine ruqsat etiledi. Olardyń ishindegi azyq-túlik sýpermarketteri men dárihanalar ǵana senbi jáne jeksenbi kúnderi jumys isteı alady.
Qoǵamdyq tamaqtaný obektilerine, sonyń ishinde jazǵy alańqaılarǵa saǵat 07.00-den 20.00-ge deıin, ujymdyq is-sharalar ótkizbeı, 30-dan aspaıtyn otyratyn oryn ornatyp, ústelder arasyndaǵy qashyqtyq keminde 2 metr saqtaý arqyly jumys jasaýǵa ruqsat etiledi.
Sulýlyq salondary, shashtarazdar, kosmetologııalyq qyzmet kórsetetin obektiler aldyn ala jazylý boıynsha saǵat 09.00-den 19.00-ge deıin, 1 kelýshige keminde 4 sharshy metr esebimen qyzmet kórsetý ruqsat etiledi.
Sport keshenderi, fıtnes ortalyqtar, sporttyq-saýyqtyrý obektileri, sport jáne jattyǵý zaldary, saýnalar, SPA ortalyqtary, basseınder aldyn ala jazylý boıynsha saǵat 07.00-den 22.00-ge deıin jumys isteı alady. Senbi jáne jeksenbi kúnderi jumys isteýine tyıym salynady.
Qoǵamdyq kóliktiń jumys rejımine tyıym salynbaıdy.
Qaýly 2021 jylǵy 28 maýsym saǵat 00:00-den bastap zańdy kúshine enedi.