«Týr de Frans» kópkúndiginiń tórtinshi kezeńi óz máresine jetti, dep habarlaıdy Egemen.kz.
Bul saıysta «Deceuninck-Quick Step» klýbynyń serkesi Mark Kavendıshke teń keler eshkim tabylmady.
Talaı dúbirli dodalarda daralanyp júrgen 36 jastaǵy ulybrıtanııalyq sańlaq Fransııanyń soltústik-batys aımaǵynda ornalasqan Redon men Fýjer qalalary arasyn jalǵastyryp jatqan 150,4 shaqyrymdyq qashyqtyqty 3 saǵat 20 mınýt 17 sekýndta júrip ótti. Jergilikti sportshy Naser Býhannı («Team Arkea Samsic») ekinshi oryn alsa, belgııalyq Iesper Fılıpsen («Alpecin-Fenix») úshinshi satyǵa jaıǵasty. «Astana» klýby músheleri arasynda Alekseı Lýsenko eń úzdik nátıje kórsetti. 28 jastaǵy qazaqstandyq veloshabandoz márege 14-shi bolyp jetti.
Joǵarydaǵy nátıjeniń arqasynda Lýsenko jalpy esepte 11-shi orynǵa kóterildi. Al kósh basyndaǵy jaǵdaı ózgerizsiz. Atap aıtsaq, nıderlandtyq Mate van der Pýl («Alpecin-Fenix») áli de aldyna jan salar emes. Ony fransııalyq Jýlıan Alafılıpp («Deceuninck-Quick Step») ókshelep keledi. Úshinshi orynda – ekvadorlyq Rıchard Karapas («INEOS Grenadiers»).