Qazaqstandyq jeńil atletter Tokıoda ótetin Olımpıada oıyndaryna taǵy tórt lısenzııa jeńip aldy, dep habarlaıdy Egemen.kz.
Qazaqstandyq eki sportshy joldamany Halyqaralyq jeńil atletıka federasııasynyń (álemdik jeńil atletıka) álemdik reıtıngine sáıkes ıe bolsa, tórtinshi joldamany Qazaqstanda ótken jarys nátıjesi boıynsha aldy.
Aıta keteıik, World Athletics Olımpıada joldamalary týraly nátıjeni búgin jarııalady.
Osylaısha, Olga Safronova, Mıhaıl Lıtvın jáne Irına Ektova #teamKZ qorjynyn joldamamen tolyqtyrdy.
Olga Safronova áıelder arasynda 100 jáne 200 metr qashyqtyqta jarysqa lısenzııa jeńip aldy.
Mıhaıl Lıtvın erler arasynda 400 metrge júgirýden Qazaqstan namysyn qorǵaıdy.
Irına Ektova Almatyda ótken jarystaǵy nátıjesi boıynsha úsh qarǵyp sekirýden Olımpıadaǵa qatysady.
Aıta keterligi, jeńil atletıkadan Qazaqstan quramasynyń qorjynynda buǵan deıin jeti joldama boldy. Olardy Olga Rypakova (úsh qarǵyp sekirý), Grıgorıı Sheıko (sporttyq júris), Aıman Ratova (sporttyq júris) jáne Janna Mamajanova (marafon), Marııa Ovchınnıkova (úsh qarǵyp sekirý), Nadejda Dýbovıskaıa (bıiktikke sekirý), Krıstına Ovchınnıkova (bıiktikke sekirý) jeńip alǵan bolatyn.