О́ńir qaıtadan «sary aımaqqa» ótti

27 maýsymda 35 turǵynnyń ko­ro­navı­rýs ınfeksııasyn juq­tyr­­ǵany belgili boldy. Aýrý juqtyr­ǵan­dardyń 28-i sımptomdy, 7-ýi sımptomsyz túrine shaldyqqan. 28 maýsym kúni bir táýlikte KVI-men aýyr­ǵan 10 jaǵdaı tirkeldi. Osylaı­sha óńir­degi aýrýshańdyqtyń ósý deń­ge­ıi 0,1%-dy qu­rady. Dúısenbi kúni pnevmonııaǵa shal­dyqqan 5 naýqas aýrýhanaǵa jatqy­zyldy.Sanıtarlyq-epıdemıologııalyq baqy­laý departamenti basshysynyń orynbasary Muhtar Sembaevtyń habarlaýynsha, pandemııa bastalǵan­nan beri oblysta KVI-men aýyrǵan 11 900 jaǵdaı tirkelgen. Onyń 65,2%-y (7 766) – aýrý belgisi bar, al 34,7%-y (4 134) – sımptomsyz jaǵdaı. Pandemııa bastalǵan ýaqyt­tan osy kezge deıin 11 372 (95,5%) naýqas jazylyp shyqty. Taratyp aıtqanda, Aqtóbe qalasynda ınfeksııa juqtyrǵan 8 784 jaǵdaı tirkeldi, onyń ishinde 2 576-sy – sımptomsyz. Aýdandar boıynsha sımptomdy túrine shaldyqqan naýqastardyń sany tómendegideı: Alǵa aýdanynda – 488, Áıteke bı aýdanynda – 64, Baıǵanın aýdanynda – 111, Yrǵyz aýdanynda – 79, Qobdada –167, Qar­ǵalyda – 158, Mártókte – 349, Muǵaljarda – 460, Temirde – 396, Oıylda – 195, Hromtaýda – 432, Shalqar aýdanynda 217 adam osy juqpaly dertpen aýyryp shyqty.Negizinen aýa tamshylary ar­qy­ly juǵa­tyn koronavırýs ın­fek­sııasy­men aýyr­ǵan 11 900 naý­qastyń juqtyrý deńgeıi tómen­degideı: 1,7%-y (204) syrttan áke­lin­­gen, 16,8%-y (2001) aýrý adammen qa­rym-qaty­nasta bolǵandar, 81,4%-y ­(9695) jer­gilikti jaǵ­daılar, onyń ishinde 23,8% (2313) profı­lak­tı­kalyq maqsatta tekserilgen kez­de anyqtalǵan.Qazirgi tańda úı karantınine 1 284 adam alynyp, olarǵa medısı­na­lyq baqylaý júrgizilýde. Epıde­mııa­lyq jaǵdaıdyń kúrt ózgerýine baılanysty oblystyń bas sanıtar dárigeri qandaı karantındik shekteýler engizetini jaqyn ýaqytta bel­gili bolady. О́ńir dárigerleri turǵyn­dardan merekelik, otbasylyq sharalardy azaıtyp, barynsha saqtyq erejelerin saqtaýǵa shaqyrady.

Aqtóbe oblysy