Nur-Sultan qalasynda «Memlekettik qyzmetti jańǵyrtý – memlekettik basqarý reformalaryn tabysty júrgizýdiń negizgi faktory» taqyrybynda semınar ótti. Atalǵan is-shara QR Memlekettik qyzmet isteri agenttiginiń bastamasymen ótkizildi, dep habarlaıdy Egemen.kz.
Semınarǵa QR Memlekettik qyzmet isteri agenttiginiń tóraǵasy Anar Jaılǵanova, Dúnıejúzilik banktiń Qazaqstandaǵy Turaqty ókili Jan-Fransýa Marto, Ýkraınanyń Memlekettik qyzmet isteri jónindegi ulttyq agenttiginiń basshysy Natalıa Alıýshına, sondaı-aq Ulttyq ekonomıka, qarjy, sıfrlyq damý, ınnovasııalar jáne aeroǵarysh ónerkásibi mınıstrlikteriniń, Qazaqstan Respýblıkasynyń Strategııalyq josparlaý jáne reformalar jónindegi agenttiginiń ókilderi qatysty.
Semınarda agenttik tóraǵasy memlekettik qyzmet salasyn sıfrlandyrý baǵytynda júzege asyrylyp jatqan sharalar týraly aıtty.
«Agenttik pen memlekettik qyzmet personalyn basqarýdyń ulttyq ortalyǵy qazirgi ýaqytta kadrlyq prosesterdi kezeń-kezeńimen sıfrlandyrýdy iske asyrýǵa múmkindik beretin «iQyzmet» fýnksıonalyn ázirleýde. Bizdiń bilýimizshe, Ýkraına Dúnıejúzilik banktiń qoldaýymen personaldy basqarýdyń aqparattyq júıesin (HRMIS) ázirlep jatyr. Ol personaldy irikteýdi, jalaqyny esepteýdi jáne járdemaqy tóleýdi qosa alǵanda, birqatar fýnksııany biriktiredi jáne avtomattandyrady», dedi Anar Jaılǵanova.
Dúnıejúzilik banktiń Qazaqstandaǵy Turaqty ókili Jan-Fransýa Marto agenttik tóraǵasyna konstrýktıvti yntymaqtastyǵy úshin alǵys aıtyp, semınardyń ózekti ekenin atap ótti.
Ýkraına Memlekettik qyzmet isteri jónindegi ulttyq agenttiginiń basshysy Natalıa Alıýshına qatysýshylarǵa óz memleketinde iske asyrylyp jatqan personaldy basqarýdyń aqparattyq júıesin (HRMIS) tanystyrdy.
Semınar sońynda qatysýshylar men sarapshylar erkin pikir almasyp, is-sharany uıymdastyrýshylarǵa alǵys bildirdi.