Atyraý oblysynyń bas sanıtar dárigeri Mádenıet Tanaýov jańa qaýlyǵa qol qoıdy. Soǵan baılanysty birqatar nysandardyń jumysyna shekteýler engizildi, dep habarlaıdy Egemen.kz.
«Saýda úıleri men saýda-oıyn saýyq ortalyqtaryna (pavılondar, býtıkter), saýda jelilerine saǵat 10.00-den 19.00-ge deıin (toltyrylýy obekt syıymdylyǵynyń 30% - nan asyrmaı, 1 kelýshige 4 sharshy metrden kem emes) tek qana jumys kúnderi jumys isteýine ruqsat etiledi. Bul rette olarda ornalasqan attraksıondardyń, oıyn alańdarynyń, oıyn ortalyqtarynyń, qoǵamdyq tamaqtandyrý obektileriniń jumysyna tyıym salynady» delingen qaýlyda.
Al sulýlyq salondary, shashtarazdar, kosmetologııalyq qyzmet kórsetetin nysandardyń jumys kúnderi saǵat 09.00-den 19.00-ge deıin, sport keshenderi, fıtnes-ortalyqtar, fıtnes-klýbtar, ıoga ortalyqtary, sporttyq-saýyqtyrý nysandary (olarda ornalastyrylǵan basseınder, saýnalar, SPA, massaj, pılıng), saýnalar, SPA-ortalyqtar, basseınder jumys kúnderi saǵat 07:00-den 22:00-ge deıin jumys isteıdi. Al, «Ashyq» jobasyna qatysatyn nysandardyń jumys rejımi saǵat 07:00-den 24:00-ge deıin sozylady.
«Ashyq» jobasyna qosylǵan nysandardy qospaǵanda senbi jáne jeksenbi kúnderi jumys jasaýǵa tyıym salynyp otyr.
Bas sanıtar dárigerdiń jańa qaýlysy 5 shildede saǵat 00:00-den bastap kúshine enedi.