4 shildede Kaspıı teńiziniń Ázerbaıjandaǵy sektorynda qýatty jarylys bolyp, qazirgi kezde órt tolyq sóndirildi, dep habarlaıdy Egemen.kz.
Bul týraly Ázerbaıjan Respýblıkasynyń Tótenshe jaǵdaılar mınıstrliginiń ókilderi málimdedi.
«Búgin tańerteń eldiń TJM áýe jasaǵynyń tikushaqtary barlaý ushýlaryn ótkizdi. Nátıjesinde Salıan aýdany baǵytyna qaraı jaǵalaýdan shamamen 30 shaqyrym jerdegi tasty aralda laıly janartaýdyń atqylaý faktisi anyqtaldy. Qazirgi kezde janartaý kraterinde azdaǵan órtegý baıqalyp otyr. Janartaý teńizdegi munaı-gaz ınfraqurylymy men basqa nysandar, sondaı-aq adam ómirine qaýip tóndirip turǵan joq», delingen Ázerbaıjan TJM málimdemesinde.
Teńizde órt jaǵdaıynyń oryn alýy sebebin anyqtaý úshin oqıǵa ornyna SOCAR (Ázerbaıjannyń memlekettik munaı kompanııalary) qyzmetkerleri attandy. Shara qorytyndylary boıynsha, kompanııanyń tikeleı baqylaýyndaǵy teńiz platformalary men ónerkásip nysandarynda apat bolmaǵanyn jáne jumystyń shtattyq rejımde ótip jatqany habarlandy.
Eske sala ketsek, Kaspıı teńiziniń Ázerbaıjan bóliginde jarylys boldy.