Qazaqstandyq tennısshi Tımofeı Skatov Perýdja (Italııa) chellendjer týrnıriniń ekinshi aınalymyna shyqty, dep habarlaıdy Egemen.kz.
Dúnıejúzilik reıtıngte 325-orynda turǵan T.Skatov áýeli atalmysh jarystyń irikteý saıystaryn sátti ótkizip, sosyn negizgi dodaǵa qosyldy. Ol alǵashqy aınalymda álemniń 228-raketkasy, ıtalııalyq Lorenso Gýstınomen kezdesti.
Tartysty matchta qazaqstandyq tennısshi 1:6, 7:6 (7:5), 6:0 esebimen jeńiske jetti.
Báseke 2 saǵat 33 mınýtqa sozyldy. T.Skatov shırek fınalǵa shyǵý úshin álemniń 193-raketkasy, argentınalyq Renso Olıvomen talasady.
Taǵy bir qazaqstandyq, álemniń 187-raketkasy Dmıtrıı Popko reıtıngte 369-satydaǵy ıtalııalyq Flavıo Kobollıdan 6:2, 5:7, 6:7 (3:7) esebimen utylyp qaldy.
Bul oıyn úsh saǵatqa jýyq ýaqytqa sozyldy.