6 shilde kúni elordanyń monıtorıngtik toptary 10 mekemede karantın talaptary buzylǵanyn anyqtady, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Almaty aýdanynyń monıtorıngtik toptary «Aisa» barynda, «Oasis» kafesinde jáne «V9» kompıýterlik klýbynda jumys rejımi buzylǵanyn anyqtady.
Sondaı-aq Saryarqa aýdanynda ornalasqan «Sreda» kafesi saǵat 22:00-den keıin de jumysyn toqtatpaǵan. Mekeme qyzmetkerleri betperde, áleýmettik qashyqtyq rejımin saqtamaǵany belgili boldy.
Sol sııaqty Baıqońyr aýdanyndaǵy «Mıata» laýndj-bary da belgilengen rejımdi saqtaǵan joq.
Esil aýdanynda jumys rejımin buzǵan taǵy 5 qoǵamdyq tamaqtaný orny ákimshilik jaýapkershilikke tartyldy. Olardyń arasynda «Kakıe lıýdı» resto-bary, «Most», «Mıata» meıramhanalary, «Legends pub» bary, «Woklagman» fastfýd orny bar.
Karantın talaptaryn buzǵandarǵa qatysty materıaldar tıisti shara qabyldaý úshin aýdandyq sanıtarlyq-epıdemıologııalyq baqylaý basqarmalaryna jiberildi.