Konkýrstyq komıssııanyń sheshimine sáıkes Jumageldi Batyrnııazov Batys Qazaqstan oblysy kásipkerlik jáne ındýstrıaldyq-ınnovasııalyq damý basqarmasynyń basshysy bolyp taǵaıyndaldy, dep habarlaıdy Egemen.kz.
Batys Qazaqstan oblysy ákiminiń baspasóz qyzmetiniń málimdeýinshe, Jumageldi Joldybaıuly 1982 jyly Batys Qazaqstan oblysy Syrym aýdanynda dúnıege kelgen.
Jáńgir han atyndaǵy Batys Qazaqstan agrarlyq-tehnıkalyq ýnıversıtetin qarjy jáne nesıe, Batys Qazaqstan ınjenerlik-gýmanıtarlyq ýnıversıtetin quqyqtaný mamandyqtary boıynsha támamdaǵan.
Qyzmet jolynda Syrym aýdandyq eńbek, jumyspen qamtý jáne halyqty áleýmettik qorǵaý bóliminiń jetekshi mamany, BQO kólik jáne kommýnıkasııalar basqarmasynyń jetekshi, bas mamany, BQO kásipkerlik jáne ónerkásip basqarmasy syrtqy ekonomıkalyq baılanystar, týrızm jáne lısenzııalaý bóliminiń bastyǵy, osy basqarmada ónerkásip jáne jer qoınaýyn paıdalaný bóliminiń bastyǵy, BQO ákimi apparatynyń aqparattyq tehnologııalar jáne memlekettik qyzmetter monıtorıngi bóliminiń basshysy qyzmetterin atqardy.
2019 jyldan «Aqjaiyq» áleýmettik-kásipkerlik korporasııasy» AQ-nyń ınvestısııalyq damý jáne ınvestısııadan keıingi súıemeldeý departamentiniń dırektory boldy.