Sońǵy úsh kúnde qaýipti vırýsty 570 atyraýlyq juqtyrǵan, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 8 shildede 154, 9 shildede 160, al keshe, 10 shildede 256 adam koronavıýs ınfeksııasyna shaldyqqan.
«Sońǵy táýlikte – 10 shildede Atyraý qalasynda qaýipti vırýsty juqtyrýdyń 201 jaǵdaıy tirkeldi. Teńiz ken ornynda 12, Qyzylqoǵa aýdanynda 13, Inderde – 12, Jylyoıda – 8, Mahambette – 6, Qurmanǵazy aýdanynda 4 adamnan koronavırýs ınfeksııasynyń belgisi tabylyp otyr», dep habarlady basqarmanyń baspasóz qyzmeti.
Qazir óńirdegi ınfeksııalyq stasıonarlarda 771 naýqas emdelip jatyr. Onyń ishinde modýldik aýrýhanada 186, aýdandardaǵy stasıonarlarda 180, №2 oblystyq aýrýhanada 148, kardıologııalyq ortalyqta 100 pasıent bar.
Sondaı-aq, ftızıopýlmanologııalyq ortalyqta 96, Teńiz kenishindegi ınfeksııalyq stasıonarda 61 naýqas oqshaýlanǵan. Al, úı jaǵdaıynda 708 adam em alýdy jalǵastyrýda.