Aqmola oblysynda jem-shóp tapshylyǵynyń aldyn alýǵa baılanysty tótenshe sharalar qolǵa alyndy. Bul týraly agrarlyq sektordy damytý jónindegi qoǵamdyq keńeste málim boldy, dep habarlaıdy Egemen.kz.
Bıyl oblysqa 70 mlrd teńgege jýyq memlekettik qoldaý kórsetildi, onyń 39 mlrd teńgesi – sýbsıdııalar jáne 31 mlrd teńgesi – nesıelendirý. О́ńir úkimetten shóp daıyndaý úshin qosymsha 10 myń tonna dızel otynyn surady. Shabý tehnıkasymen qamtamasyz etý máselesi de aıtyldy.
Aqmola oblystyq Aýyl sharýashylyǵy basqarmasy basshysynyń mindetin atqarýshy Erkesh Álenovtyń aıtýynsha, oblysta kóktemgi egis jumystary josparlanǵan merzimde aıaqtaldy. О́tken jylmen salystyrǵanda egistik alqaptary ulǵaıǵan. Alaıda «Qazgıdromet» RMK Aqmola oblysy boıynsha fılıalynyń derekterine sáıkes mamyr-maýsym aılarynda aýdandar boıynsha jaýyn-shashynnyń ortasha aılyq mólsheri - 13,1 jáne 19,1 mm qurady, bul normadan 2 ese tómen (norma 33-35 mm) jáne bul dándi jáne dándi-burshaqty daqyldar egistikteriniń aǵymdaǵy jaǵdaıyna qatty áser etti. Keıbir sharýashylyqtarda jaýyn-shashyn múldem bolmaǵan.
«2021 jylǵy 8 shildedegi jaǵdaı boıynsha 1,8 mln gektar – jaqsy jaǵdaıda, 2,5 mln gektar – qanaǵattanarlyq, 228,1 myń gektar nashar jaǵdaıda. Bul kórsetkishter kún saıyn ózgerip otyrady. Qazgıdromettiń boljamdaryna sáıkes, shilde-tamyz aılarynda jaýyn-shashynnyń ortasha jyldyq túsimi kútilýde, bul egistikterdiń jaǵdaıyn jaqsartýǵa jáne júgeri jáne bir jyldyq shópterdiń ósýine múmkindik beredi», dep atap ótti Erkesh Álenov.
Ereımentaý, Qorǵaljyn, Atbasar, Jaqsy jáne Esil aýdandaryndaǵy alańdatarlyq jaǵdaıy týraly oblystyq Aýyl sharýashylyǵy basqarmasy basshysynyń mindetin atqarýshy aıtyp berdi.
«Árıne, ónimdilik ótken jyldaǵydaı emes, az bolady dep boljanyp otyr. Qurǵaqshylyqa baılanysty mal azyǵy da jetkilizsiz bolýy múmkin. Biraq biz bul máseleni sheshýge tyrysamyz. Egistikte qalatyn sabandy basyp, turǵyndardy mal azyǵymen qamtamasyz etý josparlanýda. Sabandy usaqtaý týraly másele bolmaýy kerek. Bul týraly aldyn ala habarlandy», dep atap ótti Erkesh Álenov.
О́ńirde shóp shabý isi qalaı júrip jatqanyn, adamdarǵa qandaı kómek kórsetiletinin jáne ol týraly qalaı habardar etiletini jóninde Aqmola oblysy ákiminiń aýyl sharýashylyǵy máseleleri jónindegi orynbasary Ǵalymjan Ábdiqalyqov málimet berdi.
«Oblysta shópke degen qajettilik 1 mln 181 myń tonna. Búginde osy kólemnen shóptiń 35-40% - y bizde daıyndaldy, biraq qazir jemshóp daıyndaýdy negizinen iri sharýashylyqtar júrgizedi, al jeke sektor ádette shilde-qyrkúıek aılarynda egin jınaýǵa shyǵady. Aýdan ákimderine aýyldyq okrýgterge baryp, túsindirý jumystaryn júrgizý týraly tapsyrmalar berildi. Qazir shóp shabýǵa shyǵyp, daıyndyqpen aınalysý kerek. Qalyptasqan jaǵdaı mal azyǵynyń jetkilikti qoryn daıyndaý qajettiligin týdyrady. Jem-shópke tolyq qajettilikti qamtamasyz etpeý mal basynyń kúrt azaıýyna jáne tipti maldyń ólimine ákelýi múmkin. Máseleni jedel sheshý, jem-shóppen qamtamasyz etý úshin barlyq múmkin sharalardy qabyldap, tótenshe jaǵdaı jarııalaý qajet. Bul ne beredi? TJ jarııalaý menshik nysanyna qaramastan, tabıǵı shabyndyqtar men jaıylymdardy óteýsiz qaıta bólýge, jaıylymy bar, biraq maly joq sharýashylyqtardan ýaqytsha qaıta bólý jolymen jeke qosalqy sharýashylyqtarǵa shabyndyqtardy aıqyndaýǵa múmkindik beredi. Bul adamdarǵa shóp daıyndaýǵa múmkindik beretin tótenshe sharalardyń biri. Jalpy alańdatarlyq jaǵdaı, qurǵaqshylyqtyń uzaqtyǵy kún saıyn artyp keledi. Jergilikti atqarýshy organdar, jeke qosalqy sharýashylyqtar shilde aıynyń sońyna deıin jemshóp daıyndaý úshin barlyǵyn jasaıdy. Ár aýdanda Aqmola oblysy ákiminiń tapsyrmasy boıynsha aýdan ákiminiń basshylyǵymen jedel shtab quryldy, ol jem-shóp daıyndaý boıynsha istiń jaǵdaıyna monıtorıng júrgizedi», dep túsindirdi Ǵalymjan Ábdiqalyqov.
Bıyl oblysqa 70 mlrd teńgege jýyq memlekettik qoldaý kórsetildi, onyń 39 mlrd teńgesi – sýbsıdııalar jáne 31 mlrd teńgesi – nesıelendirý. О́ńir úkimetten shóp daıyndaý úshin qosymsha 10 myń tonna dızel otynyn surady. Shabý tehnıkasymen qamtamasyz etý máselesi de aıtyldy.
Otyrys qorytyndysy boıynsha qoǵamdyq keńes Aqmola oblysynyń ákimine qurǵaqshylyqqa baılanysty aldyn alý sharalaryn qabyldaý jáne jumysty úılestirý úshin birqatar usynymdar ázirledi.