Abaıdy vetnam tiline tárjimelegen aýdarmashylar tobynyń jetekshisi Doan Zan Ngıepke Qazaqstan Prezıdenti Qasym-Jomart Toqaevtyń alǵys haty tabystaldy, dep jazady Egemen.kz QR SIM baspasóz qyzmetine silteme jasap.
Hanoıdaǵy Qazaqstan Elshiliginde eki halyq arasyndaǵy mádenı baılanystardy damytýǵa qosqan úlesi jáne Abaıdy vetnam tiline tárjimelegen aýdarmashylar tobynyń jetekshisi Doan Zan Ngıepke Qazaqstan Prezıdenti Qasym-Jomart Toqaevtyń alǵys hatyn tabystaý rásimi ótti.
Saltanatty rásim barysynda Elshi Erlan Baıjanov Qazaqstan mádenıetin Vetnamda keńinen nasıhattaǵany úshin shyn júrekten alǵysyn bildirip, marapattalǵan azamatqa jańa shyǵarmashylyq tabys tiledi.
О́z kezeginde vetnamdyq kórkem aýdarma sheberi shynaıy rızashylyǵyn bildirdirip, Qazaqstannyń Prezıdentine jyly lebizin jáne izgi tilegin jetkizýdi surady.
«Kútpegen qurmetke bólingenime óte qýanyshtymyn. Qazaqstan Prezıdentiniń osy sheshimi meni qazaq halqynyń biregeı baı mádenıetin Vetnamda nasıhattaýdy jalǵastyrýǵa qulshyndyrady», dedi Doan Zan Ngıep.