Atyraýda qaýipti vırýs juqtyryp, jansaqtaý bólimine túsken naýqastar sany kóbeıdi. Oblystyq densaýlyq basqarmasy baspasóz qyzmetiniń málimetine súıensek, jansaqtaý bólimindegi naýqastar sany 63-ke jetken, dep jazady Egemen.kz.
«Atyraý oblysyndaǵy ınfeksııalyq stasıonarlarda 2 632 tósek-oryn bar. Qazir stasıonarlarda 1 013 naýqas oqshaýlanyp, mundaǵy júkteme 38,4%-dy qurady. Al, jansaqtaý bóliminde jaǵdaıy aýyr 63 naýqas emdelip jatyr. Onyń ishinde 8 naýqastyń ókpeni jasandy jeldetý apparatyna qosyldy. Bul bólimdegi 113 tósek-orynnyń júktemesi 55,7 %-ǵa jetti», dep málim etti basqarmanyń baspasóz qyzmetinen.