Elordada kásipkerlik nysandary arasynda karantın rejımin buzǵandardy anyqtaý jáne jolyn kesý jónindegi monıtorıngtik toptar táýlik boıy kúsheıtilgen rejımde jumysyn jalǵastyrýda. Máselen, ótken táýlikte qalada shekteý sharalary saqtalmaǵan 13 mekeme men dúken anyqtaldy, dep habarlaıdy Nur-Sultan qalasy ákimdiginiń resmı saıty.
Esil aýdanynda «Tekıla» laýndj-bary men «LAVASH FOOD» fast-fýd pýnkti jumys rejımin buzǵan.
Sondaı-aq tyıym salynǵan ýaqytta Baıqońyr aýdanynda ornalasqan «Sotton» jáne «Kids vau» dúkenderi jumys istedi.
Saryarqa aýdanynyń monıtorıngtik toby birden 6 kásipkerlik nysanynda: «Sezar» kafesinde, «Arman Qala», «Mıras», «Samal» meıramhanalarynda, «Hot2be» karaokesinde, «Champ» oıyn klýbynda karantın talabynyń buzylǵanyn anyqtady.
Sonymen qatar belgilengen ýaqyttan keıin Almaty aýdanyndaǵy «Alýa» kafesi, «Beles» meıramhanasy jáne «Cotton» dúkeni jumysyn jalǵastyrǵan.
Jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.
Esterińizge sala keteıik, Nur-Sultandaǵy epıdemıologııalyq ahýal áli de turaqsyz, koronavırýspen aýyrǵandar sany birneshe ese ósti. Osyǵan baılanysty qala turǵyndary men qonaqtary, sondaı-aq kásipkerlik nysandar sanıtarlyq normalar men talaptardy saqtaýy tıis.