Jol-kólik oqıǵasy Áýejaı-Pavlodar avtojolynda bolǵan, dep habarlaıdy Egemen.kz. Bul jaıynda Pavlodarnews.kz saıtynda jarııalandy.
Oblystyq polısııa departamenti baspasóz qyzmetiniń málimetinshe, 20 shilde kúni saǵat 08.00-de Mitsubishi Delica markaly avtokóliginiń júrgizýshisi joldyń jıegimen kele jatqan 79 jastaǵy jaıaý júrginshini qaǵyp ketken.
- Saldarynan jaıaý júrginshi jaraqatpen aýrýhanaǵa jatqyzyldy. Alaıda zeınetker esin jımastan qaıtys boldy, - dedi departamentte.
Sondaı-aq dál sol kúni saǵat 11.30-da Mının - Shedrın kósheleriniń qıylysynda «VAZ 21112» jáne «Toıota-Korrola» markaly avtokólikteri soqtyǵysyp qaldy. «VAZ 21112» avtokóliginiń júrgizýshisi jaraqat alyp, aýrýhanaǵa jetkizildi. Saraptama taǵaıyndalyp, barlyq faktiler boıynsha tekserý júrgizilýde.