О́ńirde qalalar men aýdandardy qamtyǵan 176 monıtorıngtik top jumys istep jatyr, dep habarlaıdy Egemen.kz Pavlodarnews.kz saıtyna silteme jasap.
Oblystyq sanıtarlyq-epıdemıologııalyq baqylaý departamentiniń málimetinshe, top quramynda jergilikti atqarýshy organdardyń, ishki ister organdarynyń ókilderi men basqa da múddeli tulǵalar kirgen. Aǵymdaǵy jyldyń 1 qańtary men 20 shildesi aralyǵynda monıtorıngtik toptar 5 992 reıd júrgizip, 35 835 nysan tekserildi. Shekteý sharalaryn buzý 231 obektide anyqtaldy. Anyqtalǵan buzýshylyqtar boıynsha jalpy somasy 22 mln teńgeden asatyn 181 aıyppul túrinde ákimshilik sharalary qabyldandy, 24 is sotqa jiberildi.
22 shildede monıtorıngtik toptar 9 reıd júrgizdi, onyń barysynda 53 nysan tekserildi. Shekteý sharalaryn, onyń ishinde karantındi buzý anyqtalmady.
- Mamandar buqaralyq is-sharalardy ótkizý faktisin anyqtady. 1 qańtardan bastap mundaı 51 fakti tirkeldi, olardyń qatarynda otbasylyq is-sharalar, toılar, dámhanalar men meıramhanalarda da ótkiziletin eske alý astary men keńester bar. Shekteý sharalaryn júıeli túrde buzatyndar erekshe nazarda. Oblysta osyndaı 16 nysan anyqtaldy, onyń ishinde 12 zań buzýshylyq oblys ortalyǵynda, 4 oqıǵa Ekibastuz qalasynda tirkeldi, - degen departamentte.
Jaýapty tulǵalarǵa qatysty 29 aıyppul túrinde 8 mln teńgeden astam somaǵa ákimshilik sharalar qabyldandy.