Kez kelgen salanyń abyroı-bedelin isine myǵym, mamandyǵyna adal azamattar asyrady. Solardyń biri – Jambyl oblystyq jergilikti polısııa basqarmasynyń bastyǵy polısııa polkovnıgi Rahymberdi Áshkeev desek, qatelespeımiz. О́tken jyly ol Prezıdent Jarlyǵymen «Erligi úshin» medalimen marapattaldy.
«Ákemiz ul-qyzdaryn eńbekke baýlydy. Jurttyń ala jibin attamaýdy sanamyzǵa sińirdi. Qazir qarashańyraqta otyrǵan anam úı sharýasynda bolsa da aqyldy edi. Ákeni qalaı qadirleý kerektigin anamyzdyń arqasynda bildik. Ala tańnan qas qaraıǵansha, keıde tipti birneshe kún boıy úıde bolmaıtyn, jumysymen júretin ákemizdiń qabaǵyna qarap óstik», degendi jıi aıtady Rahymberdi Dýlatuly.
Ol tártip saqshysy bolatynyn áý bastan bilgen. «Áli esimde, bala kezimnen jol polıseıi bolýdy armandaıtyn edim. Bizdiń aımaqta qum kóp, qolǵa túsken zattardy sym temirmen bir-birine baılap, bala qııalmen kólikke uqsatyp alatyn edik. Shashylyp jatqan dúnıelerden MAI beketin turǵyzyp alamyn, ózge balalarǵa MAI ınspektory bolatynmyn», deıdi polısııa polkovnıgi baldáýren bala kezin eske alyp.
Otan aldyndaǵy áskerı boryshyn oryndap qaıtqan Rahymberdi bilimsiz bolashaq bulyńǵyr ekenin jaqsy túsinip, kerek qujattaryn alyp, Almatyǵa jolǵa shyǵady. Sol kezdegi V.I.Lenın atyndaǵy Qazaq polıtehnıkalyq ınstıtýtyn jáne kórshiles Qyrǵyz elindegi I.Arabaev atyndaǵy ýnıversıtetti «Jol qozǵalysyn retteý» mamandyǵy boıynsha bitirdi.
Bul kez – ekonomıkalyq daǵdarys jyldary bolǵandyqtan ýaqytsha bolsa da ártúrli sharýalardy atqarýyna týra keldi. «Bilimim mynadaı» edi dep tańdaǵan mamandyq negizinde qyzmet izdeıtin kez emes.
Onyń bala armany elimiz ótpeli kezeń qıyndyqtaryn eńserip, es jııa bastaǵan tusta ǵana oryndaldy. 1997 jyly ol Almaty oblysy jol polısııa bóliminiń aǵa ınspektorlyǵynan bastap, adal eńbegimen, zor jaýapkershiligimen kózge túsip, oblystyq jol polısııasy bastyǵynyń orynbasary laýazymyna deıin kóteriledi. Aınalasy on jyldyń ishinde bilimin shyńdap, biliktiligin qaırap, Pavlodar oblysy jol polısııasy basqarmasynyń bastyǵyna deıin joǵarylady. Al keıingi úsh jyldan beri Jambyl oblysy Jergilikti polısııa basqarmasynyń bastyǵy qyzmetin atqaryp júr.
Rahymberdiniń eńbek joly qyzmetine baılanysty este qalarlyq oqıǵalardan kende emes. Talaı qylmysty izin sýytpaı ashty. Qıyn da kúrdeli isterdiń basy-qasynda boldy.
Endi ǵana polısııa qyzmetine kirisip jatqan kezi. Jas mamanǵa eń aýyr is – jol boıynda adam qaǵý faktisi tirkelip, kinálini tabý, bolǵan tótenshe oqıǵanyń mán-jaıyn anyqtaý tapsyrylady. Adam ólimine qatysty isti júrgizý qansha qıynǵa soqsa da, aqyry qylmyskerdi qolǵa túsiredi.
«Kórshi aýdannan gaz tasıtyn mekemege jańa «ZIL» aýyr júk kóligi kelgen eken. Áli memlekettik tirkeýge turmaǵan. Gaz tasıtyn mekeme óz ujymy ishinen bir júrgizýshi taǵaıyndap, nómiri joq jańa mashınany bekitip beredi. Osy jerde júrgizýshige aram oı kelip, buzylyp turǵan eski kóliktiń nómirin sheship alyp, jańa «ZIL» kóligine taǵyp alǵan. Sonymen kórshi aýdandaǵy bajasyna baryp, ishimdik iship, toılap, kún bata el kózine túspeıin dep jolǵa shyǵady. Osy jolda rýlge mas kúıinde otyrǵan júrgizýshi jol shetinde ketip bara jatqan adamdy basyp óltiredi. Onyń kim ekenin anyqtaý ońaıǵa túsken joq», dep eske alady R. Áshkeev.
Al bul kezde tergeýshiler kúdikti retinde basqa kólikti turaqqa qoıyp, jazyqsyz bir júrgizýshini alqymnan alyp jatqan. Jaýapqa tartylǵan adamnyń bar kinási – jol boıyndaǵy tekserý kezinde qaıtys bolǵan adamnyń qasynda sýretke túsip qalǵany. Demek, jazyqsyz japa shegetin túri bar.
Rahymberdiniń túısigi aldamasa, kináli ol emes. Ári qaraı izdestirý jumysyn jalǵastyra beredi. Gaz tasıtyn mekemege qaıta-qaıta baryp júrip, osy jaqtan bir iliktiń tabylatynyna ishteı senimdi. О́ıtkeni bir adam jol boıynda osy mekemege tıesili aýyr júk kóligin kórgenin aıtqan. Ol júk kóligi bortynyń aldyńǵy jaǵyndaǵy joǵarǵy eki shetinde qyzyl jalaý bar degeni esinde qalǵan. Ol kezde gaz tasıtyn mashına solaı jabdyqtalatyn. Sonymen birneshe márte baryp, jańadan kelgen «ZIL» mashınasynyń aldyńǵy bamperi men kapotynda azdap maıysqan iz qalǵanyn baıqaıdy. Qoıarda qoımaı saraptama jasatyp, aqyr sońynda qylmysqa qatysty júrgizýshini tabady.
Tergeý kezinde júrgizýshi óz kinásin moıyndady. Sot ony 8 jyl bas bostandyǵynan aıyrdy. Osy aralyqta kúdikti dep tanylǵan adam qamaýdan bosatyldy.
Polısııa polkovnıgi mundaı oqıǵalardyń talaıyn kórgen, talaı is-sharaǵa jetekshilik jasap, kóptegen qylmystyń der kezinde betin ashqan. Osyndaı abyroıly qyzmeti úshin Táýelsizdigimizdiń 10, 20, 25 jyldyǵyna baılanysty merekelik medaldarmen marapattalǵan. Ishki ister mınıstriniń qolynan «Eń úzdik qyzmetker» qurmetti ataǵynyń tósbelgisin alǵan.
Jambyl oblysy Jergilikti polısııa basqarmasynyń basshylyǵyna Rahymberdi Dýlatuly kelgeli polısııaǵa degen halyqtyń senimi arta tústi deýge bolady.
«Men óz áriptesterimdi adal bolýǵa, halyq ıgiligine qyzmet etýge, polıseı atyna kir keltirmeýge úndeýden jalyqqan emespin. О́zim de sol údeden shyǵýǵa bar kúsh-jigerimdi salyp kelemin. О́mir boıy sol murattan tanǵan emespin. Meniń kásibimniń qıyndyǵyn otbasym da biledi. Ár kez qoldaý tanytyp, túsinistikpen qaraıdy. Meniń qyzmetimniń qanshalyqty qıyn ekendigin kórip óskendikterinen be eken, áıteýir, eki ulym quqyq qorǵaý salasyna jaqyndaǵan joq. О́zderi tańdaǵan mamandyqtarmen aınalysyp, elge qyzmet jasap júr», dep aǵynan jaryldy polısııa polkovnıgi.
Jankeldi AMANKELDIULY