Qostanaı oblystyq saılaý komıssııasynyń tóraǵasy Aleksandr Malashko óńirlik buqaralyq aqparat taratý qyzmeti ortalyǵynda aýyl ákimderi saılaýynyń qorytyndysyn jarııa etti, dep habarlaıdy Egemen.kz.
Aıtýynsha, 25 shilde kúni óńirdegi 65 saılaý okrýginde barlyǵy 46 799 saılaýshy daýys bergen.
«Oblys boıynsha daýys berýshiler úlesiniń kórsetkishi 84,4%-ǵa jetti. Saılaý bıýlletenderine 147 kandıdat engizildi. 59 saılaý okrýginde aýyl ákimdigine úmitkerlerdi saıası partııalar usyndy. Onyń ishinde «Nur Otan» partııasynan 52 kandıdat, «Aqjol» partııasynan 3, «Aýyl» jáne «Adal» partııalarynan 2 úmitker saılaýǵa tústi. 6 saılaý okrýginde kandıdattar ózin-ózi usyndy», dedi Aleksandr Malashko.
О́zin-ózi usynǵan 88 úmitkerdiń jeteýi aýyl, kent, aýyldyq okrýg ákimderi bolyp saılanǵan. Ákimdikke saılanǵandardyń ishinde 8 áıel bar. 48 ákim burynǵy laýazymyna qaıta saılanypty. Úsheýi basqa aýyldyq okrýgterge ákim bolǵan. Jańa ákimderdiń ekeýi kommersııalyq qurylymdardyń ókili, tórteýi bıýdjettik uıymdardyń qyzmetkeri, bireýi ýaqytsha jumyssyzdar sanatynan. Saılanǵan ákimderdiń ortasha jasy – 47-de, al eń jas ákim 28-de eken. Egde tartqandarynyń aldy 62-ge tolǵan.
Oblystyq komıssııa tóraǵasynyń sózinshe, saılaý kúni komıssııalar tarapyna eshqandaı ótinishter men shaǵymdar túspegen. Keshe ákimderi tikeleı halyqtyq saılaý arqyly anyqtalǵan 168 eldi mekende, 173 saılaý ýchaskesi jumys istedi.