Janashyrlyq jasaý joldary qarastyryldy

Is-sharaǵa Birgemiz res­­­pýblıkalyq volon­terler front-ofısiniń basshysy Tatıana Mı­ronıýk, front-ofıs­­tiń sarapshysy Oljas Áb­dý­hamıtov jáne óńir­degi vo­lon­­terlik uıym­dar­dyń bel­sendileri, jastar re­sýrstyq or­talyqtarynyń basshylary qatysty.

Kezdesý barysynda qaty­sýshylar volonterliktiń jol kar­tasyn júzege asyrý, volon­terlik qyzmetti qoldaý standar­tyn ázir­leý máselelerin tal­qy­lady. Eriktilerdiń eren iste­rin damytýdyń jańa qyrlary izdestirildi. Bul tarapta kezdesýge qatysý­shylar ózderiniń oralymdy oılaryn bólisip, paıymdy pikir bildirdi.

Tatıana Mıronıýk atap ót­kendeı, búginde Qazaqstanda 600-ge jýyq volonterlik uıym jumys isteıdi. Jyl saıyn eli­mizde belsendi azamattyq us­tanymyn kórsetýge jáne muq­taj adamdarǵa kómektesýge nıet bildirgen eriktiler sany kó­beıip keledi. Aqmola óńirinde de jaman indet shyqqaly atym­taı jomarttardyń elge qaıy­rymdylyq jasaǵan kómekteri az emes. Onyń barlyǵy qysylǵan janǵa kóp-kórim demeý bolsa, jas quraqtaı jelkildep ósip kele jatqan jastarǵa ómirsheń ónege, ádemi úlgi. Búgingi kúni myńdaǵan eriktilerdiń basyn quraıtyn 90 uıym jumys isteýde. El ıyǵyna túsken júkti osy eriktiler kóterisip otyrǵandyǵyn aıta ketsek, artyq bolmas.

Kezdesý sońynda Birgemiz respýb­lıkalyq volonterler front-ofısiniń ókil­deri jastar resýrstyq ortalyqtarynyń qyzmetkerleri úshin janashyrlyq jasaýdaǵy jańalyqtyń jaıyn uqtyratyn máselelerdi búge-shigesine deıin talqylady.

Aqmola oblysy