Elordalyq jastar TikTok áleýmettik jelisine vıdeo túsirý úshin kópirdiń arqasyna shyǵyp ketken, dep habarlaıdy Egemen.kz qalalyq polısııa departamenti baspasóz qyzmetine silteme jasap.
«Atalmysh oqıǵa 26 shilde kúni tańerteń 04:30-da bolǵan. Polısııaǵa Qabanbaı batyr dańǵylynda ornalasqan kópirdiń arqasyna bireýlerdiń órmelep bara jatqany týraly kýágerlerden habar kelip túsken. Polısııa qyzmetkerleri oqıǵa ornyna jetkende atalǵan faktiniń shynaıylyǵyna kóz jetkizildi. Tártip saqshylary 19 jáne 21 jastaǵy elordanyń úsh turǵynyn ustady. Olar TikTok áleýmettik jelisine erekshe vıdeo túsirý úshin osyndaı áreketke barǵanyn aıtty», dep túsindirdi vedomstvonyń baspasóz qyzmeti.
«Saryarqa» aýdanynyń polısııa basqarmasynyń ýchaskelik ınspektorlary tártip buzýshylarmen qoǵamdyq tártipti saqtaý boıynsha profılaktıkalyq áńgime júrgizdi.