Bıyl óńirde 257 adamdy kene shaǵyp, olar medısınalyq kómekke júgingen, dep habarlaıdy Egemen.kz.
Onyń 159-y 14 jasqa deıingi balalar bolyp otyr. Kene shaǵý boıynsha bıyl Taraz qalasynyń aýmaǵynda 143, Baızaq aýdanynda 29, Sarysýda 28, Moıynqumda 15, T.Rysqulov, Shý, Jambyl aýdandarynda 9, Qordaıda 7, Talas aýdanynda 6 jáne Merki aýdanynda 2 jaǵdaı anyqtalǵan. Oblystyq densaýlyq saqtaý basqarmasynyń málimetinshe, ýly jándikten zardap shekkender 14 kún medısınalyq baqylaýda bolýy tıis eken. Búginde keneden zardap shekken 257 adamnyń 188-i atalǵan merzimniń ótýine baılanysty baqylaýdan alynǵan.
Aǵymdaǵy jyly qora-jaılar men tórt túlikterden arnaıy brıgadanyń kómegimen 28509 astam jándik alynyp, tekserýge jiberilgen. Zerttelgen 2595 keneniń 52-sinen qyrym qandy qyzbasynyń belgileri tabylǵan.