Túrki Keńesi Bas hatshysy Baǵdat Ámireev áleýmettik jelidegi paraqshasynda Vengrııanyń Syrtqy ister jáne syrtqy saýda mınıstri Pıter Sıııarto Stambýldaǵy Túrki Keńesiniń Hatshylyǵyna kelgenin jazdy, dep habarlaıdy Egemen.kz.
«Biz Túrki Keńesiniń qazirgi kezeńdegi aýqymdy máselelerin, aldaǵy ýaqytqa arnalǵan josparlardy, sondaı-aq Túrki álemi men óńirdegi sońǵy oqıǵalardy qamtı otyryp, tyńǵylyqty kelissózder júrgizdik. Vengrııanyń Túrki áleminiń ajyramas bóligi retindegi erekshe ornyn atap ótip, Majar basshylyǵyna Býdapeshttegi Túrki Keńesiniń Eýropalyq keńsesiniń jumysy úshin tamasha jaǵdaı jasaǵany úshin rızashylyǵymdy bildirdim. 2019 jylǵy qyrkúıekten bastap jumys isteıtin keńse múshe memleketter arasyndaǵy kópqyrly yntymaqtastyqty jandandyrý, sondaı-aq Eýropa elderimen jáne Eýropadaǵy halyqaralyq jáne óńirlik uıymdarmen belsendi jumys júrgizý úshin jańa jáne tartymdy ortalyqqa aınalǵanyn atap óttim», deıdi B. Ámireev.
Sondaı-aq, Bas hatshy Túrki Keńesiniń 2021 jylǵy 12 qarashada Stambýlda ótetin 8-shi Sammıtine daıyndyqty jáne onyń kún tártibindegi negizgi máselelerdi talqylap, aldaǵy sammıt Uıymnyń aıasyndaǵy yntymaqtastyqtyń jańa jáne joǵary deńgeıine ótetini týraly da toqtalyp ótken.
«Mınıstr Sıııarto Túrki Keńesiniń sońǵy jyldardaǵy eleýli jetistikterine toqtalyp, Vengrııa Hatshylyqtyń Uıym sheńberindegi qarym-qatynastaryn odan ári damytý jónindegi kúsh-jigerine jan-jaqty qoldaý kórsetýin jalǵastyratynyn aıtty. Osy turǵyda 2021 jylǵy 22-23 qyrkúıekte Býdapeshtte ótetin Túrki saýda-ónerkásip palatalarynyń bıznes forýmynyń mańyzdylyǵy atap ótildi. P. Sıııarto Vengrııanyń Túrki Keńesi aıasyndaǵy damý jobalary men basqa da bastamalardy qoldaý maqsatynda Túrki Investısııalyq Qoryn qurýǵa belsendi qatysýǵa múddeliligin taǵy da rastady», dep atap ótti B. Ámireev.
Sondaı-aq Bas hatshy B. Ámireev Mınıstr Sıııarto Túrki Keńesiniń soń jyldardaǵy tabysty jumysy úshinshi elderdiń Uıymmen resmı baılanystar ornatýǵa jáne Túrki álemimen baılanystardy tereńdetýge yqpal etkeni týraly jyly lebizin bildirgen.
«Peter Sıııarto múshe memleketterdiń stýdentteriniń Vengrııada oqýǵa degen suranysynyń artyp kele jatqanyn atap ótip, bıyl túrkitildes elderden 5000-nan astam ótinish túskenin málimdedi» deıdi Bas hatshy.