AQSh Iraktaǵy jaýyngerlik mıssııasyn 31 jeltoqsanǵa qaraı aıaqtaıtyn boldy. Dese de jergilikti qaýipsizdik kúshteri men kúrd áskerin qalyptastyrýǵa yqpal ete bermek. Keshe eki el birikken málimdeme jasap, strategııalyq dıalogtyń qorytyndysyn habarlady.
AQSh tarapynan Memlekettik hatshy Entonı Blınken men Irak syrtqy ister mınıstrliginiń basshysy Fýad Hýseın aldaǵy josparlarymen bólisti. Taraptar AQSh kontıngenti qoldanǵan bazalar Irakqa tıesili ekenin jáne sol eldiń zańyna sáıkes jumys isteıtinin málimdedi. Al halyqaralyq kontıngent Irak úkimetin DAISh-pen kúreste qoldaý úshin shaqyrylǵan.
Tehnıkalyq keńesterden keıin qos tarap qaýipsizdik salasyndaǵy seriktestik jańa formatqa kóshetinin málimdedi. Endi ıraktyq áskerdi AQSh tarapy oqytyp, tájirıbeden ótkizip, jattyqtyratyn bolady. Buǵan qosa, barlaý aqparatyn bólisýge kelisim berdi.
Sonymen 2021 jyldyń 31 jeltoqsanyna qaraı AQSh áskeri Irak jerinen ketedi.
Taǵy aıta ketetini, AQSh úkimeti ıraktyq áskermen qatar kúrdterdiń jasaǵyn daıyndaýǵa da qol ushyn bermek. Endi «peshmerg» ókilderi de AQSh-tyń oqý-jattyǵýyna qatysatyn bolady. Osylaısha keleshekte qaýipti kúshtermen urys júrgizýdiń, strategııa daıyndaýdyń qyr-syrymen tanyspaq.