30 shilde kúni Aqtaý qalasyndaǵy «Prımorskıı-1» shaǵyn aýdanynda jańa sýda qutqarý stansııasynyń saltanatty ashylý rásimi ótti, dep habarlaıdy Egemen.kz QR TJM baspasóz qyzmetine silteme jasap.
Kaspıı teńiziniń uzyndyǵyn eskere otyryp, tótenshe jaǵdaılarǵa turaqty ázirlikti jáne jedel den qoıýdy qamtamasyz etý úshin sýda qutqarý stansııasyn salý qajettiligi týyndady. Stansııa respýblıkada monoqalalardy áleýmettik-ekonomıkalyq damytý baǵdarlamasy sheńberiniń aıasynda ótken jyly salyna bastady. Sýda qutqarý stansııasynyń jańa ǵımaraty Kaspıı teńiziniń jaǵalaýynda ornalasqan.
Jedel-qutqarý jasaǵy qutqarý katerlerimen, súńgýirlik jáne sýda qutqarý jabdyqtary men kerek-jaraqtarynyń úlgilerimen jabdyqtalǵan. Ashylý saltanatynyń qonaqtaryna qutqarý tehnıkasy men avarııalyq-qutqarý jabdyqtarynyń kórmesi usynyldy.