Elordada jańa boks zaly ashyldy. Jeke kásipkerler men memlekettik organdar demeý kórsetken zalǵa bokstan Olımpıada chempıony Bekzat Sattarhanovtyń esimi berildi, dep habarlaıdy Egemen.kz «Qazaqstan» arnasyna silteme jasap.
Keshen bir kúnde úsh aýysymda 100-ge tarta balalarǵa jattyǵýǵa múmkindik beredi. Bul osymen Boks Federasııasy ashqan qaladaǵy úshinshi boks úıirmesi. Sporttyq nysan Kereı, Jánibek handar men Muǵaljar kósheleriniń qıylysynda ornalasqan.
Bul jerde eshqandaı shekteý joq. Qazir kórip otyrsyzdar Qoıandynyń balalary kep, osy jerde jattyǵý jasap jatyr. Qoıandydan osy jerge kelip, ózderiniń jattyǵý jumystaryn júrgizip júr. Sondyqtan da mynaý qala bul jerge jaqyn, qalaǵa qolaıly, - deıdi Boks federasııasynyń atqarýshy dırektory Marat Myqtybekov.