Bir jyl ishinde kúnbaǵys maıynyń baǵasy birden 60,4 paıyzǵa ósip, 2021 jyldyń maýsymynda kúnbaǵys maıy Qazaqstannyń dúkenderi men bazarlarynda lıtri 713 teńgeden satyldy, dep habarlaıdy Egemen.kz.
Bul týraly Energyprom.kz saıty málimdedi.
Jyl basynan beri elimizde 93,3 myń tonna tazartylmaǵan kúnbaǵys maıy óndirildi. Bul byltyrǵymen salystyrǵanda alty paıyzǵa kóp. Tazartylǵan kúnbaǵys maıynyń 76,9 myń tonnasy óndirildi. Byltyrǵymen salystyrǵanda 37,4 paıyzǵa artyq.
Tazartylmaǵan kúnbaǵys maıynyń basym bóligi ShQO-da óndiriledi, jalpy kólemniń 72,2 paıyzy. Tazartylǵan maı óndirisi boıynsha Shymkent kósh bastap tur: 34,9 myń tonna nemese el boıynsha barlyq kólemniń 45,4 paıyzy. Qazaqstandyq kompanııalar 2021 jyldyń birinshi jartyjyldyǵynda kúnbaǵys maıyna degen suranysty 83,2 paıyzǵa arttyrdy.
2021 jylǵy maýsymda eldiń bazarlary men dúkenderinde maıdyń ortasha baǵasy lıtrine 713 teńge boldy. Túrkistan turǵyndaryna bir bótelke maı - lıtrine 773 teńgeden.
Qaraǵandy oblysynda bir jylda baǵa 80 paıyzǵa ósti. Almatyda - 75,9 paıyz.
Eske salaıyq, maýsymnyń qorytyndysy boıynsha Qazaqstanda kókónister men jemister bir aıda birden 7,7 paıyzǵa ósken jáne byltyrǵymen salystyrǵanda 14,2 paıyzǵa qymbattady.