Aýyl turǵyndary kótergen bastama

Atalǵan ıgilikti is aımaqtyń belsendi aza­mattarynyń usynysymen qolǵa alyn­ǵan. Bul sharaǵa óńirdiń aýdandary da úles qosyp otyr. T.Rysqulov aýdany Jańa­turmys aýylynyń turǵyndary men erik­tileri Aral qalasyna úsh vagon shóp jónelt­ti. Aýyl turǵyndarynyń arnaıy bastamasy men qoldaýy budan keıin de jalǵasady.Jalpy, búginde mal basyn saqtap qalý mańyzdy bolyp otyr. Osy oraıda atalǵan aýdannyń Aqyrtóbe jáne Tereńózek aýylynyń turǵyndary da Syr eline mal azyǵyn jibergen bolatyn. Sol sııaqty Taraz, Shý, Lýgovoı jáne Jańatas temir jol stansalaryndaǵy vagondarǵa oblysymyzdyń barlyq aýdanynan kelgen jońyshqa, pishen jáne tabıǵı shóp artylyp, Syr eline jol tartty.«Kóp túkirse – kól» degendeı, biri úıine jınap qoıǵan jo­ńysh­­qasyn, biri oryp alyp qoı­ǵan shóbin de berýde. Tip­ti qarjylaı qoldaý kór­­set­­ken azamattar da bar eken. Má­se­len, Baızaq aýdany Ynty­maq aýyldyq okrý­gine qarasty «Birlik» sharýa qojalyǵy da bul iske óz úles­terin qosyp, 300 baý jo­ńyshqa jiberipti. «Syn saǵat­ta birligimiz synalady, birge bol­saq – yntymaǵymyz arta­dy. Bizdiń maqsat – ýaqyt ozdyr­maı, qýańshylyqqa tap bol­ǵan aǵaıynǵa shópti erterek jetkizý», deıdi «Birlik» sharýa qojalyǵynyń jetekshisi Rústem Aqylbekov.Al oblystyq aýyl sharýa­shy­lyǵy basqarmasynyń basshysy Qaırat Amanov aımaq­ta qajetti iri sabaqty mal azy­ǵy qorynyń jetkilikti ekenin atap ótti. «Búgingi tańda oblysymyzda mal azyǵyn daıyndaý jumystary jalǵasyn tabýda. Mal qystatý naýqanyn oıdaǵydaı ótkizý úshin 1,7 mln tonna pishen daıyn­daý josparlanǵan. Búginde 1,5 mln tonna pishen, 58 myń ton­na pishendeme daıyndaldy. Alda súrlem daıyndaý naýqany tur. Jalpy, oblysta iri sabaqty mal azyǵynyń qory qajetti mólsherde jı­nal­­­dy. Endi, mine, óńir sha­rýa­­larynyń usynysymen qýań­­­­­­shylyqtan zardap shekken Qyzylorda oblysynyń Aral qalasyna, Sekseýil kenti men Qamystybas aýyldyq okrý­gindegi sharýalarǵa jemshóp jetkiziledi», deıdi ol.Bıylǵy aptap ystyq, aýa raıy­nyń qolaısyzdyǵy qara­pa­ıym halyqqa ońaı tıip otyr­­ǵan joq. Dese de, qara jer­diń qoınaýynan bu­­­ıyr­ǵan rızyqty árkim óziniń adal eńbegimen arshyp alýda. Al qol­da bardy jaqyny­men bó­lis­ken qazaqtyń bul qara­pa­ıym qaǵıdasy kóp­shi­likke úl­gi bolatyny anyq. Jam­byl­­­dyq­tar aldaǵy ýa­qyt­ta da qy­­zy­l­­ordalyq aǵa­ıyn­­ǵa qa­jet­ti kómek kór­setile­tin­digin jetkizdi.