2021 jylǵy 2-3 tamyz aralyǵynda Almaty oblysynda Din máseleleri jónindegi Respýblıkalyq aqparattyq-túsindirý tobynyń (RATT) mamandary halyqtyń dintaný saýattylyǵyn arttyrý jáne qoǵamda dástúrli rýhanı-adamgershilik qundylyqtardy qalyptastyrý men dinı ekstremızmniń aldyn alý sheńberinde jergilikti turǵyndarmen birqatar is-sharalar men kezdesýler ótkizdi. Respýblıkalyq aqparattyq-túsindirý tobynyń quramyna bilikti teologtar, dintanýshylar jáne psıhologtar – J.Sandybaev, J.Qańtarbaeva, I.Berdalıev, E.Mataev tartyldy.
RATT músheleri Taldyqorǵan qalasynyń turǵyndarymen, Qapshaǵaı jastarymen, Eskeldi, Ile, Qarasaı aýdandarynda meshit jamaǵatymen, sondaı-aq Almaty oblystyq Polısııa departamentiniń qyzmetkerlerimen jáne sport ınternattarynda oqıtyn jetkinshektermen jalpy profılaktıkalyq jumys júrgizip, semınarlar men kezdesýler ótkizdi. Osy is-sharalarǵa 290-ǵa jýyq adam qatysty. Is-sharalar karantındik talaptarǵa saı qadaǵalanyp júrgizildi.
О́tkizilgen is-sharalar barysynda óńirler turǵyndaryna Qazaqstanda turatyn barlyq konfessııalar men etnostardyń beıbit ózara is-qımylymen qatar ómir súrýine, Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparat berildi.
Bul jobanyń maqsaty – dinı saýattylyqty arttyrý, halyq arasynda dinı ekstremızm men terrorızmniń aldyn alý, mádenı mura men dástúrlerdi nasıhattaý arqyly qoǵamdyq sanaǵa teris áser etýden qorǵaý. Sonymen qatar dinı radıkalızmge qarsy is-qımyldyń berik negizi retinde dástúrli rýhanı qundylyqtar men din arasyndaǵy ózara baılanys máseleleri talqylandy.
Talǵat AHYMBETOV,
«Jańa shabyt» QB basshysy