Atyraýda monıtorıngtik top músheleri demalys bazasynda ótip jatqan úılený toıyn dronmen anyqtady, dep habarlaıdy Egemen.kz.
Atyraý qalasy ákimdiginiń baspasóz qyzmetiniń aqparatyna qaraǵanda, karantın kezinde demalys bazasynyń birinde úılený toıy 8 tamyzda ótken.
«Monıtorıngtik top áýeden túsirilgen vıdeo arqyly Bereke aýylyndaǵy demalys bazasynyń birinde ótip jatqan úılený toıdy anyqtady. Áýeden túsirilgen vıdeoda demylys bazasynyń aýmaǵynda kóp kóliktiń turǵany baıqaldy. Top músheleri demalys bazasyna barǵanda 90-ǵa jýyq qonaqtyń qatysýymen úılený toıy ótip jatqanyn tirkedi. Demalys bazasynyń ákimshisi karantın shekteýine qaramastan saltanatty is-shara ótetin nysandy jalǵa bergenin moıyndady», dep habarlady ákimdiktiń baspasóz qyzmeti.