QR Úkimeti «Memlekettik qyzmetshilerdiń jáne dıplomatııalyq qyzmet personalynyń issaparǵa barýynyń keıbir máseleleri týraly» 2017 jylǵy 17 qarashadaǵy №755 qaýlyǵa ózgerister engizdi, dep jazady Egemen.kz.
Qazaqstan Respýblıkasy Úkimetiniń 2021 jylǵy 4 tamyzdaǵy №514 Qaýlyda tómendegideı ózgerister bar:
5-tarmaq mynadaı redaksııada jazylsyn:
«5. Osy Qaǵıdalarda mynadaı uǵymdar paıdalanylady:
1) jiberýshi memlekettik organ – memlekettik qyzmetshini Qazaqstan Respýblıkasynyń shet eldegi mekemesine jumysqa issaparǵa barý tártibimen jiberetin Qazaqstan Respýblıkasynyń memlekettik organy;
2) ýákiletti organ – Qazaqstan Respýblıkasynyń syrtqy saıasat salasyndaǵy ýákiletti memlekettik organy;
3) issaparǵa jiberilgen memlekettik qyzmetshi – Qazaqstan Respýblıkasynyń shet eldegi mekemesine issaparǵa barý tártibimen jumysqa jiberilgen memlekettik qyzmetshi.»;
11-tarmaq alyp tastalsyn;
12-tarmaq mynadaı redaksııada jazylsyn:
«12. Qazaqstan Respýblıkasynyń shet eldegi mekemelerine issaparǵa jiberilgen memlekettik qyzmetshiler qyzmetiniń, olardyń tıimdiliktiń negizgi kórsetkishteri negizinde esepteletin qyzmet nátıjelerin taldaý, sondaı-aq olardyń esep berý tártibi ýákiletti organmen kelisý boıynsha jiberýshi memlekettik organdardyń buıryqtarymen aıqyndalady. Tıimdiliktiń negizgi kórsetkishterinde maqsattarǵa qol jetkizý ındıkatory qamtylýǵa tıis jáne olar issaparǵa jiberilgen memlekettik qyzmetshini Qazaqstan Respýblıkasynyń shet eldegi mekemesine jibergen kúnnen bastap bir aıdan keshiktirilmeı bekitilýge jatady»;
12-1-tarmaq alyp tastalsyn;
13-tarmaqta: birinshi abzas mynadaı redaksııada jazylsyn:
«13. Jiberýshi memlekettik organ ýákiletti organǵa osy Qaǵıdalardyń 10-tarmaǵynda belgilengen tıisti talaptarǵa sáıkes keletin memlekettik qyzmetshini Qazaqstan Respýblıkasynyń shet eldegi mekemesine issaparǵa jiberý týraly usynyspen negizdelgen hatty, sondaı-aq Qazaqstan Respýblıkasynyń shet eldegi mekemesine issaparǵa jiberý usynylatyn kandıdatqa qatysty mynadaı qujattardy usynady:»;
5) tarmaqsha alyp tastalsyn;
14-tarmaqtyń birinshi bóligi mynadaı redaksııada jazylsyn:
«14. Ýákiletti organ on bes jumys kúninen aspaıtyn merzimde qujattardy tekserýdi jáne daıyndyq deńgeıi men osy Qaǵıdalardyń 10-tarmaǵynda kózdelgen talaptarǵa sáıkestigin anyqtaý úshin issaparǵa jiberiletin kandıdatpen áńgimelesý júrgizedi».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.