Almatydan ushyp shyqqan «Eır Astana» ushaǵy naızaǵaı tústi degen habardan keıin áýejaıǵa oraldy, dep habarlaıdy Egemen.kz.
Oqıǵa 9 tamyzda keshke Almaty - Tbılısı baǵyty boıynsha ushatyn áýe kemesimen bolǵan. Ushaq 20.30-da ushyp, naızaǵaı túsken bolýy múmkin degen sebeppen Almaty áýejaıyna oraldy.
«Ushaq shtattyq rejımde qondy. Zardap shekkender joq. Bort aýystyrylǵannan keıin jolaýshylar mejeli pýnktke saǵat 00.40-ta ushyp ketti. Ushaq ınspeksııasy tolyq kólemde oryndaldy, naızaǵaı túspegen bolyp shyqty», dedi «Eır Astana» áýekompanııasynyń ókili.