2 adamnyń ólimine kináli hırýrg Qazaqstannan deportasııalanady, dep habarlaıdy Egemen.kz.
Plastıkalyq hırýrg Roman Alferovty deportasııalaýdy talap etilgen aryz Almaty qalasy Almaly aýdanynyń polısııa bólimine berilgen. Ishki ister ókilderi Alferovtyń Qazaqstanda qalýy qoǵam múddesine qaıshy keledi jáne halyqqa qaýip tóndirýi múmkin dep esepteıdi.
Sot sheshimi zańdy kúshine endi, biraq ony qaıta qaraýǵa bolady, sebebi hırýrg oǵan qarsy shaǵym túsirdi.
Eske salaıyq, osydan tórt jyl buryn 44 jastaǵy Janna Rahmanova ishi men jambasynyń maıyn alǵyzýǵa Roman Alferovtyń klınıkasyna barǵan. Pasıent sodan tiri shyqpaǵan. Atyshýly hırýrg arada eki jyl ótkende ǵana ustalǵanymen, Alferov pen atalmysh klınıkanyń jarnamasy áleýmettik jelilerde áli júr.
Sondaı-aq, bir jyl buryn Roman Alferov naýqastyń ólimine kináli dep tanylyp, 2,5 jylǵa bas bostandyǵynan aıyrylǵan edi, biraq oqıǵa oryn alǵan merzimge baılanysty ol jazadan qutylyp ketken.