Vero Cell Qytaı vaksınasynyń birinshi partııasy Almatyǵa jetkizildi, dep habarlaıdy Egemen.kz Air Astana baspasóz qyzmetine silteme jasap.
«Eır Astana» Sinopharm kompanııasynyń Vero Cell vaksınasyn Beıjińnen tikeleı tasymaldady. Densaýlyq saqtaý mınıstrligine qarasty SK-Farmasııa tapsyrys bergen eki reıspen bir mıllıon doza vaksına jetkizildi»,dep habarlady avıakompanııa.
Vaksınanyń birinshi partııasy búgin saǵat 12:30 -da Almaty áýejaıyna jetkizildi. Ekinshi reıs 11 tamyzda saǵat 13:20-ǵa josparlanǵan. Baspasóz qyzmetiniń málimetinshe, jalpy salmaǵy 20 tonnalyq medısınalyq júk 72 saǵatqa deıin tasymaldaýǵa múmkindik beretin temperatýralyq rejımdi saqtaı otyryp, termııalyq konteınerlerde jetkizildi.
VeroCell - ınaktıvtelgen vaksına. Ol birneshe elde synaqtan ótkizildi. Klınıkalyq synaqtardyń 3-kezeńi vaksınanyń 21 kún aralyqpen berilgen eki dozasy 79% tıimdi ekenin kórsetti.