Barlyq bilim berý uıymdarynda qyzmetkerler men bilim alýshylarǵa maska kııý mindetti. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy Egemen.kz.
«Jańa oqý jylynda oqýshylardyń qaýipsizdigin qamtamasyz etý jáne densaýlyǵyn saqtaý úshin arnaıy sanıtarlyq is-sharalar qabyldanady. Barlyq mektepter, kolledjder men ýnıversıtetterdegi qyzmetkerler men bilim alýshylarǵa maska kııýge mindetti bolady. Barlyq bilim berý uıymdarynda kúndelikti termometrııa, jeldetý, kvarsteý, dezınfeksııalaý is-sharalary júrgiziletin bolady», dedi Ashat Aımaǵambetov.
Onyń atap ótýinshe, stýdentter, pedagogtar men basqa da qyzmetkerler ǵımaratqa «Ashyq» júıesi arqyly kirgiziledi.