Aqmola oblysynda jol apatynan 3 adam kóz jumdy, taǵy 3 adam túrli dene jaraqatymen aýrýhanaǵa tústi, dep habarlaıdy Egemen.kz.
Oblystyq Polısııa departamentiniń málimetinshe, jol apaty 9 tamyzda saǵat 12:10-da «Nur-Sultan-Petropavl» avtojolynyń 179 shaqyrymynda bolǵan.
«Anyqtalǵandaı, Nur-Sultan qalasynyń 43 jastaǵy turǵyny basqarǵan «Shkoda» avtokóliginiń júrgizýshisi araqashyqtyqty saqtamaı bir baǵytta júrip kele jatqan ZAZ Chance kóligimen soqtyǵysqan. Saldarynan ZAZ Chance kóligindegi 24, 27 jáne 29 jastaǵy úsh jolaýshy (Nur-Sultan qalasynyń turǵyndary) oqıǵa ornynda kóz jumdy. Al, osy kóliktiń 23 jastaǵy júrgizýshisi men «Shkoda» avtokóliginiń 18 jáne 19 jastaǵy jolaýshylary Bulandy aýdandyq aýrýhanasyna jatqyzyldy», dedi vedomstvodan.
Qazirgi kezde, «Shkoda» markaly avtokóliginiń júrgizýshisine qatysty sotqa deıingi tergeý amaldary qolǵa alyndy.