Shymkent qalasynyń Mádenıet, tilderdi damytý jáne arhıvter basqarmasy QR Sybaılas jemqorlyqqa qarsy is-qımyl agenttiginiń atalmysh basqarmanyń laýazymdy tulǵalary qamaýǵa alynǵany jónindegi habarlamasynan keıin resmı málimdeme jasady, dep habarlaıdy Egemen.kz.
«Áleýmettik jeliler men BAQ-ta jarııalanǵan materıaldarǵa sáıkes kelesini málimdeımiz: Shymkent qalasynyń Mádenıet, tilderdi damytý jáne arhıvter basqarmasynyń laýazymdy tulǵalary (basshy, basshynyń orynbasarlary) barlyǵy jumys ornynda ekenin nazarlaryńyzǵa jetkizemiz. Sonymen qatar, eńbek demalysynda júrgen 3 mamannan basqa qyzmetkerler de túgel jumys ornynda. Basqarmaǵa quqyq qorǵaý organdary tarapynan resmı hat kelip túsken joq», delingen Shymkent qalalyq Mádenıet, tilderdi damytý jáne arhıvter basqarmasynyń Instagram-daǵy resmı paraqshasynda.