Búgin, 12 tamyzda, Halyqaralyq jastar kúni aıasynda el jastaryn qoldaýǵa jáne olardy memlekettiń qoǵamdyq ómirine tartýǵa baǵyttalǵan 200-den astam onlaın-is-shara ótkizý josparlanǵan. Bul týraly Aqparat jáne qoǵamdyq damý mınıstrligi habarlady, dep jazady Egemen.kz.
Is-sharalar aıasynda 800 myńnan astam jas qamtylady.
Barlyq oblys pen respýblıkalyq mańyzy bar qalada jastardyń ózekti máselelerin talqylap, sheshý jolyn usynatyn óńir ákimderi janyndaǵy keńes otyrystaryn, «Qaıyrymdy ister marafony» jalpyulttyq jobasy aıasynda qaıyrymdylyq is-sharalaryn jáne volonterlerdiń qatysýymen ekologııalyq aksııalar ótkizý josparlanǵan.
JOO jáne TjKB uıymdarynyń túlekterin, NEET sanatyndaǵy jastardy jumysqa ornalastyrýǵa maqsatynda vakansııa jármeńkesin uıymdastyrylady. Bul Halyqaralyq jastar kúni aıasynda atqarylatyn mańyzdy sharanyń biri.
Sharaǵa qatysýshylar memlekettik qoldaý taqyrybynda onlaın-konsýltasııa alady, sondaı-aq motıvasııalyq jáne quqyqtyq daǵdylardy, kásipkerlik jáne sıfrlyq mashyqty damytý týraly vebınarlarǵa qatysady.
Áleýmettik jelilerde ekologııa jáne qaıyrymdylyq is-sharalary, aǵartýshylyq baǵyttaǵy chellendjder uıymdastyrylady.
Aıta keteıik, 1999 jyly jastar mınıstrleriniń dúnıejúzilik konferensııasy BUU Bas Assambleıasyna 12 tamyzdy Halyqaralyq jastar kúni dep jarııalaý týraly usynys bildirgen edi. Osylaısha 2000 jyldan beri jyl saıyn 12 tamyzda Halyqaralyq jastar kúni atap ótiledi.