Almatyda qyzdardy pyshaqpen qorqytyp, zorlyq áreketterin kórsetken er adam sottaldy, dep habarlaıdy Egemen.kz.
Bul týraly Almaty qalalyq PD basshysynyń orynbasary Rýstam Ábdirahmanov Instagram-da jazdy.
Almatyda «Baým» toǵaıynda qyzdardy torýyldap, pyshaqpen qorqytyp zorlap júrgen er adamǵa sot úkimi jarııalandy.
«1991 jyly týǵan Aıdarhanov QK-niń 2-baby 4-bólimi «Jynystyq sıpattaǵy zorlaý áreketteri» boıynsha sottaldy», dep jazdy Rýstam Ábdirahmanov.
Qylmysker toǵaıda qyz-kelinshekterdi torýyldap, olardy pyshaqtaımyn dep qorqytyp, zorlaǵan.
Tergeý barysynda kúdiktiniń taǵy tórt qylmysqa qatysy bary anyqtaldy. Tergeý jumystarymen Túrksib aýdandyq polısııa basqarmasynyń tergeýshileri aınalysty.