Qazaqstan Prezıdenti Qasym-Jomart Toqaev Seýlde Abaı eskertkishin ashady. Bul týraly Memleket basshysynyń baspasóz hatshysy Berik Ýálı málimdedi, dep habarlaıdy Egemen.kz.
Eskertkishtiń ashylý rásimi 16-17 tamyzda Toqaevtyń Ońtústik Koreıaǵa memlekettik sapary aıasynda ótedi.
«Prezıdent Qasym-Jomart Toqaev Seýl qalasynda Abaı eskertkishiniń ashylý rásimine qatysady dep josparlanǵan», delingen jazbada.
Sapar aıasynda eki el prezıdentteri kelissózderi jasaıdy dep josparlanǵan.Sondaı-aq, Qazaqstan Prezıdenti Seýlge sapary aıasynda Koreıanyń iri kompanııalarynyń basshylarymen, belgili saıası qaıratkerlermen kezdesýler ótkizedi. Qazaqstandaǵy ınvestısııalyq jobalardy júzege asyrý boıynsha birqatar kommersııalyq kelisim-shart jasalady dep josparlanǵan.