Shymkent qalasy jumyspen qamtý jáne áleýmettik qorǵaý basqarmasynyń basshysy Balmarjan Narbekova «Shapaǵat» ortalyǵynyń jumys barysymen tanysty, dep habarlaıdy Egemen.kz.
Shymkent qalasynyń «Shapaǵat» arnaýly áleýmettik qyzmetter kórsetý ortalyǵy múmkindigi shekteýli azamattardyń áleýmettik mártebesin qalpyna keltirýge, áleýmettik-turmystyq ortaǵa beıimdelýine, densaýlyǵyn ońaltýǵa baǵyttalǵan sharalardy júzege asyrady.
Jyl basynan beri «Shapaǵat» ońaltý ortalyǵynda 8 aýysym boıynsha jalpy 263 qyzmet alýshyǵa arnaýly áleýmettik qyzmet túrleri kórsetildi.
Ortalyqta 18 jastan asqan tirek-qımyl júıesi buzylǵan I jáne II toptaǵy múgedekter jeti túrli baǵytta áleýmettik qyzmet túrlerimen qamtylǵan.
Shymkent qalasy boıynsha 43 avtomatty «Áleýmettik taksı» I,II toptaǵy jáne 16 jasqa deıin tirek-qımyl apparaty buzylǵan múmkindigi shekteýli jandarǵa, 18 «Invataksı» qyzmeti arnaýly jabdyqtalǵan qol arbadaǵy múgedektigi bar azamattardy tasymaldaıdy.
Sonymen qatar erekshe toptaǵy azamattar qajetti quraldar men qyzmetterdi óziniń elektrondyq qoltańbasyn paıdalana otyryp, áleýmettik qyzmetter portaly arqyly tapsyrys berýge qol jetkize alady.