2021 jylǵy 12 tamyzda «Jastar» ǵylymı-zertteý ortalyǵy Halyqaralyq jastar kúnine oraı «Qazirgi jastar: problemalar, qajettilikter, úrdister» taqyrybynda «Jastar: ózekti másele» saraptama alańynyń kezekti otyrysyn ótkizdi, dep jazady Egemen.kz.
Is-shara QR Aqparat jáne qoǵamdyq damý mınıstrligi Jastar jáne otbasy isteri komıtetiniń qoldaýymen uıymdastyryldy. Bul týraly vedomstvonyń baspasóz qyzmeti habarlady.
Pikirtalasqa memlekettik organ ókilderi, qoǵam qaıratkerleri, jas ǵalymdar men sarapshylar qatysty.
QR AQDM Jastar jáne otbasy isteri komıtetiniń tóraǵasy Sh.Baımanov jáne QR Parlamenti Májilisiniń depýtaty M. Ahmetov memleket jastardyń problemasyn nazardan tys qaldyrmaıtynyn jáne olardy sheshý úshin qajetti sharalar qabyldap jatqanyn atap ótti.
Kezdesý barysynda «Jastar» ǴZO dırektory A.Sakoshev Memleket basshysyna 2021 jyly júrgizilgen áleýmettik zertteýdiń nátıjesin usyndy. Ol jyl saıynǵy «Qazaqstan jastary» ulttyq baıandamasynyń negizi sanalady.
Sarapshylar mańyzdy máselelerdi kóterip, olardy sheshý úshin naqty usynys berdi. Onyń ishinde, QR Parlamenti Senaty janyndaǵy Jas sarapshylar klýbynyń múshesi J.Ysqaqova jastardyń qundylyǵy týraly baıandama jasady. Saıası keńesshi D. Aıkenova qazirgi jas urpaq minez-qulqynyń zańdylyǵy týraly aıtty. «Jas Otan» tóraǵasynyń orynbasary A. Búrkitalın jastardy jumyspen qamtý máselelerin talqylady. Al «Jas Ulan» RQB tóraıymy D.Sadýaqasova baıandamasyn jastar arasyndaǵy býllıng pen lýdomanııanyń ózekti máselelerine arnady.
Otyrys qorytyndysy boıynsha memlekettik organdar men ÚEU úshin memlekettik organdar, qoǵamdyq uıym ókilderi, sarapshylar jáne basqa da qatysýshylar jarııalaǵan usynymdar tizimi jasaldy.
Is-shara barlyq sanıtarlyq normany saqtaı otyryp, onlaın jáne oflaın formatta ótti.