Afrıka kontınenti COVID-19 juqtyrǵandar sany boıynsha kóshbasshylar qatarynda. 12 tamyzdaǵy jaǵdaı boıynsha koronavırýstyń 7 136 140 jaǵdaıy tirkeldi, dep habarlaıdy Egemen.kz Afrıkanyń aýrýlardy baqylaý jáne aldyn alý ortalyǵyna silteme jasap.
COVID-19 taralýyna jol bermeý jónindegi vedomstvoaralyq komıssııanyń Telegram kanalyndaǵy málimetterge súıensek, qurlyqtaǵy pandemııa qurbandarynyń jalpy sany 179 986 adamdy qurady.
COVID-19 jaǵdaılarynyń eń kóp sany tirkelgen elder - Ońtústik Afrıka Respýblıkasy, Marokko, Týnıs, Egıpet jáne Efıopııa.
Osy jaǵdaıǵa baılanysty AQSh tolyq ımmýndaý kýrsynan keıingi revaksınasııany qoldanýǵa sheshti.
Azyq-túlik jáne dári-dármek sapasy jónindegi basqarma ımmýnıteti tómen adamdar úshin vaksınanyń úshinshi dozasyn qoldanýdy maquldady. Úshinshi doza retinde Pfizer jáne Moderna kompanııalarynyń preparattary qoldanylady.
«Basqarma koronavırýsqa qarsy Pfizer jáne Moderna vaksınalaryn tótenshe jaǵdaılarda qoldanýǵa ruqsat berdi, bul keıbir ımmýnıteti tómen adamdarǵa qosymsha dozany qoldanýǵa múmkindik usynady», delingen agenttiktiń saıtynda.