Jelide Qazaqstan AQSh úkimetinde jumys istegen aýǵandardy ýaqytsha qabyldaý týraly kelisimge qol qoıǵany týraly aqparat tarap jatyr. Syrtqy ister mınıstrligi bul málimdemeni joqqa shyǵardy, dep habarlaıdy Egemen.kz.
Zakon.kz jazýynsha, «Bosqyndar lageri Qazaqstannyń ońtústiginde ornalasatyny belgili, biraq, árıne, Almaty men Túrkistan oblystarynda emes. Kelisim 2000 aýǵandyqty qabyldaý týraly jasalǵan, bıýdjet bólindi. Bosqyndar endi vıza alý prosesin aıaqtap jatyr», delingen jalǵan habarlamada.
Sondaı-aq, AQSh Memlekettik hatshysy Entonı Blınken telefon arqyly sóılesken kezde Qazaqstan Respýblıkasynyń Syrtqy ister mınıstri Tileýberdi Muhtarmen bosqyndardy qabyldaý prosesin talqylaǵanyn aıtady.
«Qazaqstan Respýblıkasynyń Syrtqy ister mınıstrligine Amerıka tarapynan mundaı ótinishter resmı túrde túsken joq», dep habarlady SIM baspasóz qyzmeti.