Reseılik ımmýnolog, «KEG» kelisimsharttyq zertteý kompanııasynyń bas dırektory, medısına ǵylymdarynyń doktory Nıkolaı Krıýchkov Reseıde koronavırýsqa qarsy jańa vaksınalardyń jasalýy jaıynda aqparat taratty, dep jazady Egemen.kz.
«Meniń oıymsha, qazir jasalyp jatqan tórt vaksına «delta», «delta plıýs» shtamdaryn joıýǵa jaqsy áser etedi», dedi Nıkolaı Krıýchkov.
Onyń aıtýynsha atalǵan vaksınalar jańa paıda bolyp jatqan shtamdardy jedel joıýǵa qabiletti.
Buǵan deıin Reseı Densaýlyq saqtaý mınıstrliginiń basshysy Mıhaıl Mýrashko Sputnik V reseılik vaksınasynyń koronavırýstyń «delta» shtamyna qarsy tıimdiligi shamamen 83 paıyzdy quraıtynyn aıtqan bolatyn. Ol sonymen qatar vaksınanyń koronavırýspen aýyrǵanda 95 paıyz vırýstan qorǵaıtynyn atap ótti.