Elbasy medaliniń 821 ıegeri bilim berý granttaryn alý konkýrsyna qatysty, onyń ishinde 605 talapker «Elbasy medali» jobasynyń arqasynda tegin bilim alý múmkindigine ıe boldy. Bul týraly Elbasy qory habarlady, dep jazady Egemen.kz.
Granttyń eń kóp bóligin Nur-Sultan jáne Almaty qalasynan, sondaı-aq Qyzylorda jáne Pavlodar oblysynan kelgen túlekter aldy. Atalǵan medal oqýshylarǵa upaı sany teń bolǵan jaǵdaıda grantty utyp alýǵa basymdyq beredi.
«Elbasy Akademııasy jobalarynyń árbir qatysýshysy - bizdiń maqtanyshymyz. «Elbasy medali» jobasy daryndy jastardyń, ásirese aýyl balalary úshin tabysqa jetýine mańyzdy qoldaý bolatynyn kórip otyrmyz. Jaqyn arada osy maqsatta taǵy da birneshe jobany júzege asyrý josparda bar. Turǵylyqty jerine qaramastan, árbir jas qazaqstandyqty jobalarǵa qatysýǵa shaqyramyz», dedi «Elbasy Akademııasy» KQ dırektory Aslanbek Amrın.
«Elbasy medali» jobasyna barlyǵy 21 myńnan astam bala qatysty. Onyń ishinde 6 078 qatysýshy baǵdarlamany aıaqtap, qola jáne kúmis medal ıelendi.
Esterińizge sala keteıik, bul – jastardy keshendi damytýǵa baǵyttalǵan ulttyq deńgeıdegi joba. Baǵdarlama 7 negizgi baǵyttan turady: sport, daryn men daǵdy, kitap oqý, ulttyq mura, volonterlik, saıahat men joryqtar, eńbek tájirıbesi.
Baǵdarlama 14 pen 29 jas aralyǵyndaǵy jastarǵa arnalǵan.