Aýǵanstan astanasy Kabýlda «Talıban» bıliginiń ekinshi kúninde benzın taýsyldy. Janarmaı quıý beketteriniń janynda áskerı kólikter kezek kútip tur, dep habarlaıdy Egemen.kz RIA Novostıge silteme jasap.
Qalanyń janarmaı stansııalarynda benzın 50 aýǵannan (62 sent) 70 aýǵanǵa (86 sent) deıin kúrt qymbattasa da, janarmaı quıý múmkindigi joq. Tipti áskerı kólikter benzınsiz qaldy. Osyǵan baılanysty janarmaı quıý beketteriniń janynda tankter men áskerı kólikter kezekte tur.
Agenttik usynǵan derekterge sáıkes, Nangarhar provınsııasynyń Ahýndzad aımaǵyndaǵy «Talıban» blokpostynda rıkshada otyrǵan qyzǵa oq atyldy, sebebi belgisiz. Oqıǵadan keıin jınalǵan jaqyn mańdaǵy aýyl turǵyndaryn tálipter uryp-soqqan.