Almatyda «Mektepke jol» aksııasy aıasynda qaıyrymdylyq is-sharalary bastaldy, dep habarlaıdy Egemen.kz.
«Bul aksııa 2008 jyldan bastap Elbasynyń bastamasymen elimizdiń barlyq óńirlerinde jyl saıyn ótkizilip keledi. Bıylǵy jyl biz úshin ońaı bolmady, osy arada áleýmettik osal sanattaǵy almatylyq oqýshylarǵa qoǵam jáne partııa belsendileri men mesenattardy tarta otyryp járdem jasalmaq», dedi Nur Otan partııasynyń Almaty qalalyq fılıaly tóraǵasynyń birinshi orynbasary Qaırat Bısembaev.
Bıyl qaıyrymdylyq aksııasy Nur Otan partııasynyń belsendileri men qalalyq máslıhat depýtattarynyń qoldaýymen ótkiziledi. Partııanyń qalalyq fılıaly almatylyq oqýshylarǵa mektepke qajetti quralmen jabdyqtalǵan 3000-ǵa jýyq sómke tabystaıdy.
Jańa oqý jylyna arnalǵan syılyqtar turǵyndarǵa sanıtarlyq erejelerdi saqtaı otyryp, birtindep beriledi.