Qazirgi kezde koronavırýs indetin juqtyrýdyń deregi Jambyl oblysynda da kóbeıip tur, dep habarlaıdy Egemen.kz.
Aǵymdaǵy jylǵy 18 tamyzdaǵy jaǵdaı boıynsha óńirdegi ınfeksııalyq stasıonarlarynda barlyǵy 3634 tósek-oryn qarastyrylǵan. Onyń ishinde 1976 kereýet toltyrylǵan. Bul 54 paıyzdy quraıdy. Búginde aımaqtaǵy aýrýhanalardyń jansaqtaý bólimderinde 179 naýqas em qabyldaýda.
О́tken táýlikte Jambyl óńirinde koronavırýs juqtyrýdyń 219, al, pnevmonııanyń 37 jaǵdaıy tirkeldi. Búgingi tańda aýrýhanadan barlyǵy 11 myń 713 azamat saýyǵyp shyqty. Karantındik stasıonarlarǵa 23 tulǵa ornalastyrylǵan. Sonymen qatar, 10 zerthanada táýligine shamamen 2600-2800 PTR zertteý júrgizilýde.